"Тіл-тірегім,соғып тұрған жүрегім" атты қазақ тілі және әдебиет бірлестігінің онкүндігі өтілді

«Өжек Жаңабаев атындағы орта мектеп» коммуналдық мемлекеттік мекемесінің 2020-2021 оқу жылындағы 28.10.2020ж – 08.10.2020ж уақыт аралығында  «Тіл – тірегім,  соғып тұрған жүрегім» атты қазақ тілі мен әдебиеті пәні бірлестігінің онкүндігі болып өтті. 
    Онкүндіктің басты мақсаты:  Мұғалімдердің қашықтықтан білім беру аясында жаңартылған білім мазмұнына сай белсенді оқыту әдіс-тәсілдерін, оқушының білім жетістігін критериалды бағалау түрлерін іс-тәжірбиесіне енгізу; Осы онкүндікте 7- сыныптар арасында   қашықтықтан  «Тіл білгірлері» тақырыбындағы ойын өткізілсе, 9-сыныптар арасында қашықтықтан  «Биік сенің мәртебең – ана тілім» тақырыбында  поэзиялық кеш, 5 «ә» сыныбымен қашықтықтан  «Тілім менің – тірлігімнің айғағы» тақырыбында үлгілі сабақ,  5 «а» сыныбымен қашықтықтан  «Әдебиет әлеміне саяхат» атты  зияткерлік сайыс, 6 "а" сыныбымен қашықтықтан  «Ой мен ойын» атты зияткерлік сайыс және 5-сыныптармен «Мың бір мақал, жүз бір жұмбақ» сайысы өткізілді. Сыныптан тыс іс-шараларды мектебіміздегі қазақ тілі мен әдебиет пәнінің мұғалімдері Д. Жетібаева, А.Тоқсанова, М.Бақытбек, А.Асанғалықова, М.Қабылбекова, А.Оспан өткізді. Аталған онкүндіктегі іс-шараларға тәжірбие алмасуға мектебіміздің мұғалімдері қатысты.