" Ұстазым менің, ұстазым" челленджі

Ұстаздар күніне орай ҚР Оқу- ағарту министрі Ғани Бектайұлы жолдаған " Ұстазым менің, ұстазым" челленджін қабылдай отырып, алғаш мектеп табалдырығын аттағанда қолыма қалам ұстатып, әріп үйреткен алғашқы ұстазым Гулмира Байсабаеваға рахметімді айтамын. 
   Мектеп табалдырығынан үлкен өмір жолына қадам басарда жол сілтеп, бүгінгі қазақ тілі мен әдебиеті пәні мұғалімі болуыма себепші болған,  үлкен өмір жолымда бағыт- бағдар беріп, қанаттандырып, әріптес, ақылшы болған ұстаздарым: Сәдірмекова Оралхан,  Бейсенбекова Отархан ,  Қадірова Ғалия апайларыма,  Көнеева Бақытгүл Демежанқызы,  Таударбекова Рысалды Әбдікерімқызы,  Мухамедиева Маркия Әбдіханқызына рахмет айтамын. Зейнет жасында болсаңыздар да әрдайым ақылшы болып, табандылықпен еңбек етуге, адамгершілік қасиетті биік ұстануға бағыт- бағдар беріп, алға қойған мақсаттарға жетуіме қолдау білдіріп жүргендеріңізге шексіз ризалығымды білдіремін. Сіздердің отбастарыңызға амандық, дендеріңізге саулық тілеймін! Шәкірттеріңіздің құрметіне бөленіп жүре берулеріңізге тілектеспін.
  Ізгі тілекпен Өжек Жаңабаев атындағы орта мектеп директоры Жетібаева Динара Сейітқожақызы.