Тамақтану сапасына мониторинг жүргізу

02 қыркүйек күні тамақтану сапасына мониторинг жүргізу мақсатында бракераж комиссиясы мектеп асханасына тексеру жүргізді.Тексеру қорытындысы актпен рәсімделіп, комиссия отырысында талқыланды. Тексеру нәтижелері сарапталып, түзету бойынша ұсыныс берілді. Тексеріс төменде көрсетілген  параметрлер бойынша жүргізілді. Анықталған кемшіліктерді жою үшін 5 жұмыс күні ұсынылды.
- Жаңа оқу жылына асхананың  дайындығы,асхана қызметкерлерінің медициналық кітапшаларының  уақытылы өтілуі және білімдері;
 - Күнделікті тағамдардың ас мәзірімен сәйкестігі;
 - «С» дәруменінің уақытылы сусындарға қосылуы және журналға тіркелуі;
 - Асхана тазалығы;
 - Ет,нан өнімдерінің,көкөніс, жеміс, ұнтақ заттардың сақталуы және сертификаттарының болуы:
 - Тағамды дайындау сапасы;
 - Ыдыстардың тазалығы және жеткіліктілігі.

Тексеру нәтижесінде анықталғаны:

1. Жаңа оқу жылына асханаға дайындығы қанағаттанарлықтай,
асхана қызметкерлерінің медициналық кітапшалары тексерілді. Қызметкерлердің  жеке бас гигиеналары санитарлық нормативтерге сай.
 2.«С» дәруменінің сусындарға қосылуы және журналға тіркелуі уақытылы жүргізіледі.
 3. Бекітілген ас мәзірі бойынша күнделікті тағамдар сәйкес. Нормаға сай балалардың денсаулығына пайдалы әрі дәмді дайындалған.
 4. Асхана тазалығы жуу және дезинфекция жүргізу құралдары нормаға сай тазаланады. Аспазшылар қолдарына арнайы қолғап киген.
 5.Тағамдарды сақтау тоңазытқыштарда және тағамдарды сақтау қоймасы бар.Азық-түлік келу күні мен оның пайдалану мерзімдері жайлы ақпарат бар.
 6. Сатылатын тағамдар арнайы қақпақпен жабылған. Тыйым салынған тағамдар сатылмайды.
 7. Ыдыстарға толық дезинфекция жасалған. Ыдыстар саны жеткілікті.
Мектеп асханасын жоғарыда көрсетілген параметр бойынша бақылау барысында асхана жұмысы жан-жақты қаралып, талапқа сай екені анықталды.Асхана жұмысы әрі қарай жан-жақты тексеріліп отырылады.