"Мектебім — мейірім мекені" атты алғашқы қоңырау салтанатты

Бүгін Кеген ауылындағы "Ө. Жаңабаев атындағы орта мектеп"  КММ- де "Мектебім — мейірім мекені" атты алғашқы қоңырау салтанатты жиыны болып өтті. 2024-2025 оқу жылында мектептің 1-сыныбына 57 оқушы қабылданып,мектеп табалдырығын аттады. Аталған білім ордасы 2023-2024 оқу жылында күрделі жөндеуден өтіп,  1 қыркүйек — Білім күні қарсаңында пайдалануға берілді. Аталған шараға аудан әкімі Теңізбаев Нұрбақыт Молдахметұлы, аудандық білім бөлімінің басшысы  Масимханов Мұратжан Қожанұлы, аудандық білім бөлімінің аға әдіскері Насырбаева Жұмагүл Дәуітқалиқызы, Кеген аудандық полиция бөлімінің бастығы, полиция подполковнигі  Молдашев Ербол Құрманжанұлы,  аудандық Аналар кеңесінің төрайымы Көнеева Бақытгүл Демежанқызы,  мектептің қамқоршылық кеңесінің төрағасы Тұрсынов Шыңғыс Тұрсынұлы және ардагер ұстаздар келіп,  құттықтап,  батасын берді.
Сонымен қатар,  Алғашқы қоңырауына 50 жыл, мектеп бітіргеніне 40 жыл толған түлектер кездесуге келіп,  мектеп табалдырығын алғаш аттаған бүлдіршіндерге әліппе оқулығын табыстап, мектеп табалдырығын аттатып,  партаға отырғызды. Ендігі кезекте осы дәстүр жалғасын тапса екен деген тілектерін білдірді.
https://www.facebook.com/share/v/rtmoiuX8B8GAakqL/