«Мен болашақта қандай мамандықты таңдасам екен?»

Кез - келген саналы баланы «Мен болашақта қандай мамандықты таңдасам екен?» немесе «Таңдаған мамандығыма қалай қол жеткіземін?» деген ойлар мазалайтыны анық. Мамандықты таңдау үшін адам, ең алдымен өзін, өз бейімділігін тануы қажет. Өз - өзіне «Мен кіммін?», «Осы өмірдегі менің орным қандай?», «Қалай өмір сүремін?»- деген сұрақ қойып, соған жауап іздеуі қажет. Мынау көп салалы өмірде мамандықтың түрі көп. Әрине таңдау жасау оңай емес. Әрбір шәкірттің ертеңіне алаңдаған ұстаз олардың кемел келешектің иесі болуын көздейді. Сондықтан шәкірттеріміздің өз қабілеттері мен мүмкіндіктеріне қарай жүрек қалауымен жақсы мамандық таңдау жолында бағдарлы білім алып, әрқайсысы дүниенің бір – бір кірпіші болып қалануын тілейміз. Осы мақсатта Өжек Жаңабаев атындағы орта мектебінде «Мамандық таңдау-табысты өмірдің кілті» тақырыбында мамандық таңдау кеші өткізілді. Кешке әр түрлі мамандық иелері және жұмыспен қамту орталығының басшысы Мәсімбаев Біләл Әукенұлы келіп қатысып,білім алушылармен ауданымызға қажетті мамандық иелерін және әр түрлі мамандықтардың қыр сырын ашып айтып өтті.