Оқушылардың білім жетістіктерін бағалау бойынша PISA Халықаралық бағдарламасы

Оқушылардың білім жетістіктерін бағалау бойынша PISA Халықаралық бағдарламасы оқушылардың оқу барысында алған білімдері мен дағдыларын өмірлік жағдайларда қолдана білу машықтарын, нақты бір оқу пәндерімен тікелей байланысты емес мәселелерді шеше білу құзіреттіліктерін бағалауға бағытталған.
      PISA халықаралық зерттеуі барлық білім беру ұйымдарындағы 15-жас 2 ай мен 16- жас 3 ай арылығындағы оқушылардың оқу, математика және жаратылыстану бағытындағы пәндерден білім жетістіктерін анықтауды мақсат етеді. Зерттеу оқушылардың қабілеттерін емес, ол оқу барысында меңгерген білімдері мен дағдыларын өмірлік жағдайларда қолдана білу ептіліктерін бағалауға бағытталған.
 Осы орайда “Ө.Жаңабаев атындағы орта мектеп”КММ 16.11.2022 жылы PISA халықаралық зерттеу жүргізілді.Зерттеуге 28 білім алушы толық қатысып, өз мүмкіндіктерін сынға салды.Қатысқан білім алушыларға сәттілік тілеп,мектеп оқушылары шағын патриоттық - концерттік бағдарлама ұсынды!
     
Қазақстанда зерттеу жұмысын Қазақстан Республикасы оқу-ағарту министрлігі “Ақпараттық-талдау орталығы”АҚ орталығы жүргізді және PISA халықаралық зерттеуінің өткізілуін сапалы ұйымдастырып,осы зерттеуге  белсенді қатысқанымыз үшін АЛҒЫС ХАТПЕН марапаттады.